گهیځ
کابل-ګهیځ نیوز( د حوت/ کب ۱۲ مه نېټه):
د ګهیځ نیوز د خبر له مخې د کندهار او کونړ سیمه ییزو مسوولینو ويلي، چې په دغو ولایتونو کې د وروستیو اورښتونو له امله ۲۷۰ کورونه ویجاړ شوي دي.
د کندهار د امنیې قوماندانۍ ویلي، د یاد ولایت په ښار او ولسوالیو کې د سختو اورښتونو له امله ۲۳۸ کورونه ویجاړشوي او په ترڅ کې یې ۲ ماشومان مړه شوي او ۳ نورټپیان دي.
د یو بل خبر له مخې، په کونړ کې هم د سختو اورښتونو له امله ۳۲ کورونه ویجاړ شوي دي.
د یاد ولایت د طبیعي پېښو پر وړاندې د مبارزې مدیر ویلي، چې ویجاړو شویو کورونو کې درې تنه مړه او دوه نور ژوبل شوي دي.
وروستیو اورښتونو د هېواد یو شمېر نورو ولایتونو کې هم زیانونه اړولي، خو مسوولینو یې تر دا دمه رسنیو سره اطلاعات نه دی شریک کړي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/