گهیځ
کابل/ګهیځ: نن چهارشنبه (د وږي/سنبلې ۳۰مه او د سپټمبر ۲۱مه نېټه ده) د رئیس الوزراء ملا محمد حسن اخند په مشرۍ کابینې د چارو ادارې ته امر کړی چې د لغو شویو ادارو د بې برخه لیکه کار کوونکو نوملړ چمتو کړي.
نن چهارشنبه په دې اړه خپره شوې خبرپاڼه کې ویل شوي چې د یادو کسانو د رشتې، درجې او کاري تجربې اړوند معلومات دې ټولو وزارتونو ته ولېږل شې.
د خبرپاڼې له مخې، یاد کسان به اړتیا ته په کتو بېرته په دندو وګمارل شي.
د یادولو وړ ده چې سرپرست حکومت د ملي امنیت شورا تشکیلات، پر اساسي قانون د څار کمیسیون، د افغانستان د ملي شورا دارالانشاء، د ملي پخلاینې عالي شورا، بشري حقونو کمېسیون، د ټاکنو خپلواک کمېسیون او ځینې نور اداري تشکیلات منحل کړي دي.
ویل کیږي، د یادو ادارو له منحل کېدو سره په زرګونو کسان بېکاره شوي چې له امله یې له سختو اقتصادي ستونزو سره مخ شوي دي.