گهیځ
کابل-ګهیځ نیوز( د حمل / وري ۹مه نېټه):
د ګهیځ نیوز د خبر له مخې د بښنې نړیوال سازمان د پاکستان د نوي حکومت له پرېکړې اندېښنه ښودلې او له دغه هېواده یې غوښتي، چې د افغان کډوالو وېستل دې ژر تر ژره ودروي.
د بښنې نړیوال سازمان د خپل راپور په یوه برخه کې لیکلي، د پاکستان د نوي حکومت پرېکړه د هغو کډوالو لپاره ګرانه تمامیږي، چې د تېرو دوو کالو پرمهال یې دغه هېواد کې پناه اخیستې.
د دغه راپور له مخې، لا هم افغان کډوال په پاکستان کې د پولیسو لخوا په خپلسرې توګه نیول کېږي او له ځورولو یا ربړولو وروسته له دغه هېواده شړل کېږي.
دغه سازمان ویلي، چې افغان کډوال د کډوالو لپاره د ملګرو ملتونو ادارو ته د تګ او هلته د ثبتولو په کار کې لا هم له ستونزو سره مخامخ دي.
د پاکستان حکومت پولیسو ته ویلي، چې د افغان کډوالو د وېستلو دوهم پړاو دې د اپریل په ۱۵ نېټه پیل کړي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/