گهیځ
کابل-ګهیځ نیوز( د قوس/ لیندۍ ۱۱ نېټه):
د ګهیځ نیوز د خبر له مخې ځینو بهرنیو رسنیو ویلي، چې غزه کې د اسراییلي اشغالګرو او حـ.ـماس جنګیالیو ترمنځ په خونړۍ جګړه کې له اووه ورځني ځنډ وروسته اسراییلي اشغالګرو بېرته بریدونه پیل کړي دي.
د دغو رسنیو د راپورونو له مخې د اوربند له ماتېدو سره سم اسرایيلي جنګي الوتکو غزه کې پر څه باندې ۲ سوه ځایونو بریدونه کړي دي.
غزه کې د روغتیا وزارت چارواکو ویلي، د دغو بریدونو له امله لږ تر لږه ۱۷۸ بې دفاع فلسطيني وګړي وژل شوي او ۵۸۹ تنه نور په کې ژوبل دي.
د ملګرو ملتونو د بشري حقونو کمېشنر ولکر تورک په غزه کې د جګړې بیا پیلیدل یو ناورین بللی او نیوکه یې کړې، چې اسرایيلو باید نړیوال قوانین په پام کې نیولی وی.
نړیوالو مرستندویه ادارو په غزه کې د موقت اوربند ماتېدل غندلي دي.
حمـ.ـاس جنګیالیو د اوربند په ماتېدو او پر ولسي وګړو اسراییلي بریدونه غندلي او د دې بریدونو د غچ اخیستو ګواښ یې کړی.
پر غزې د اسراییلي اشغالګرو د بریدونو له امله نږدې ۱.۸ میلیونه وګړي بې ځایه شوي او په پاتې شویو کې نږدې ۱۴ زره تنه بې دفاع وګړي وژل شوي دي.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/