گهیځ
فارن پاليسي مجلې راپور ورکړی چې د امريکا د بهرنيو چارو وﺯارت ځینې چارواکي وايي، چې څه کم ۱۴ ﺯره امريکايان لا تر اوسه په افغانستان کې بند پاتې دي.
د امريکا د کنګرې يوه مرستيال دغې مجلې سره په خبرو کې ويلي، چې د امریکا حکومت د امریکايي اتباعو د وتلو لړۍ ځنډولې او په دې پروسه کې پاتې راغلي دي.
د کابل په هوايي ډګر کې د تخيې پر مهال د رامنځ ته شوې ګډوډۍ له امله امريکا په دې بريالۍ نه شوه چې خپل امريکايان او د هغوى افغان همکاران په بشپړ ډول له افغانستانه وباسي. د امریکا د ولسمشر جوبایډن دا کار د امریکايي جمهوري غوښتونکو سناتورانو له سختو غبرګونونو سره مخ شو.
