گهیځ
کابل-ګهیځ نیوز( د حوت/ کب ۲۸ مه نېټه):
د ګهیځ نیوز د خبر له مخې د افغانستان کرکټ ملي لوبډلې د روانې شل اوریزې لوبلړۍ په دوهمه لوبه کې ایرلېنډ ته د لسو منډو په توپیر ماتې ورکړه.
دغه لوبه کې چې افغان لوبډلې لومړۍ توپوهنه وکړه، د نهو لوبغاړو په سوځېدو سره یې سیالې لوبډلې ته د ۱۵۳ منډو هدف وټاکه.
په افغان توپ وهونکو کې محمدنبي چټکې ۵۹، صدیق اتل ۳۵ او راشدخان ۲۵ منډې وکړې.
ایرلېنډ لوبډلې بیا په ټاکلو ۲۰ اورونو کې د اتو لوبغاړو په سوځېدو سره ټولې ۱۴۲ منډې وکړې او په دې سره یې د شل اوریزې لوبلړۍ دوهمه لوبه افغانستان ته وبایلله.
افغانستان د دې لړۍ لومړۍ لوبه د ۳۸ منډو په توپیر سیالې لوبډلې ته بایللې وه.
افغانستان او ایرلېنډ تر شل اوریزې لوبلړۍ وړاندې درې نړیوالې یو ورځنۍ او یوه ټېسټ سیالي هم وکړه، چې د ټیسټ لوبه د ایرلېنډ خو د یو ورځنۍ لوبو لوبلړۍ بریا افغان لوبډلې په خپل نوم کړې وه.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-105772299284903/