گهیځ
کابل-ګهیځ نیوز( د حمل / وري ۱۱مه نېټه):
د ګهیځ نیوز د خبر له مخې دوو امنیتي سرچینو رویټرز خبري اژانس ته ویلي، چې تېره ورځ سهار د سوریې په شمال کې پر حلب ښار باندې د اسراییلو په بریدونو کې د لبنان د حزب الله ډلې د پنځو غړو په ګډون شاوخوا ۳۸ کسان وژل شوي دي.
د سوریې خبري اژانس (SANA) د یوې پوځي سرچینې په حواله ویلي، چې د حلب په جنوب ختیځ “أثريا” سيمه کې د اسراییلي دښمن له لوري د هوايي برید په ترڅ کې یو شمېر ملکي وګړي او پوځیان وژل شوي دي.
یاد آژانس د وژل شویو کسانو کره شمېره نه ده په ډاګه کړې.
الجزيرې تلوېزیون د ياد آژانس له قوله خبر ورکړی، چې د ياد تېري په پایله کې یو شمیر ملکي وګړي او سرتېري وژل شوي او ټپیان شوي او عامه او شخصي ملکیتونو ته مالي زیانونه اوښتي دي.
اسرایيلي صهيونستي رژيم د عربي هېوادونو او نړیوالې ټولنې د چوپتيا پر دوام غزه کې د ټولوژنې ترڅنګ يې هرې خواته بریدونه پيل کړي دي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/