گهیځ
ګهیځ: نن شنبه (د کب ۲۸مه او د مارچ ۱۹مه نېټه ده) د ملګرو ملتونو سرمنشي د اسلامي امارت د هغه اعلان هرکلی کړی چې ویلي یې دي، د روانې اونۍ د سې شنبې په ورځ به د ټولو نجونو او هلکانو پر مخ د ښوونځیو دروازې خلاصې شي.
انتونیو ګوترش په یوه ټویټ کې ویلي، په کار ده د اسلامي امارت دغه پلان تصویب او عملي شي.
د ااا حکومت د پوهنې وزارت ویاند عزیز احمد ریان د پنجشنبې په ورځ روېټرز خبري اژانس ته ویلي و چې ښوونځي به د ټولو نجونو او هلکانو پر مخ پرانیستل شي او نجونو ته به له هلکانو جلا د ښځینه ښوونکو له خوا درس ورکول کېږي.
