گهیځ
ګهیځ نیوز: نن پنجشنبه (د زمري/اسد ۱۳مه او د اګسټ میاشتې ۴ مه نېټه ده) د کرېکټ بورډ د پاڼې د معلوماتو پر بنسټ سپين غر پړانګانو پرون (چهارشنبه) کابل بازانو لوبډله ماته کړه او پایلوبې ته یې لار پیدا کړه.
تر دې مخکې د فاینل لومړني لوبېدونکي ټيم په سر باندې سپين غر له بُست سره مخ شوی و چې هلته یې ماته خوړلې وه.
دا اول وار دی چې بُست ټيم له هېڅ ماتې پرته پایلوبې ته ځي او سپین غر پړانګان د شپږیزې په اتو پړاونو کې دریم وار دی چې پایلوبې ته لار پیدا کوي.
کابل کې د شپږيزې کرېکټ سيالۍ له تېرو دوو اوونيو راهيسې روانې وې، چې نن يې پايلوبه ترسره کېږي.
