کابل-ګهیځ نیوز(د سلواغې / دلوې لومړۍ نېټه)
د ګهیځ نیوز د خبر له مخې کندوز کې د عامې روغتیا ریاست مسوولینو ویلي، چې په دغه ولایت کې د ماشومانو ترمنځ د موسمي ناروغیو کچه لوړه شوې ده.
د چارواکو په وینا، هره ورځ له ۱۲۰ څخه ډېر ماشومان، چې په تنفسي ناروغیو او سینه وبغل اخته دي، د کندوز سیمه ییز روغتون ته مراجعه کوي.
د روغتیايي معلوماتو له مخې، تېره میاشت کې له ۵۰۰۰ څخه زیات ماشومان د تنفسي ناروغیو، سینه وبغل، اسهال او خوارځواکۍ له امله دې روغتون ته راوړل شوي دي.
د عامې روغتیا ریاست له خلکو غوښتنه کړې، چې د ماشومانو د روغتیا ساتنې لپاره د ژمنیو ناروغیو مخنیوي تدابیر ونیسي او د ناروغۍ په صورت کې خپل ماشومان په وخت درملنې ته ورسوي.
چارواکي همداراز د روغتیايي خدماتو د پراختیا او اړینو درملو د برابرولو لپاره له نړیوالو مرستندویه بنسټونو د مرستې غوښتنه هم کړې ده.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/