نرېندرا مودي د درېیم ځل لپاره د هند د لومړي وزیر په توګه لوړه وکړه

کابل-ګهیځ نیوز(د جوزا ۲۱سمه نېټه):

د ګهیځ نیوز د خبر له مخې هندي رسنیو راپور ورکړی، چې نرېندرا مودي د درېیم ځل لپاره د هند د لومړي وزیر په توګه لوړه وکړه.

په دغه غونډه کې مودي له خپل ولس سره ژمنه کړې، چې د ټولو خدمت به کوي.

نرېندرا مودي ونه شو کولای چې د هند په ټولټاکنو کې د دې هېواد د پارلمان اکثریت څوکۍ ترلاسه کړي او په همدې موخه یې ایتلافي حکومت جوړ کړی، چې تر راتلونکو پنځو کلونو به یې لومړی وزیر وي.

د خبر پر بنسټ، نرېندرا مودې هند کې دوهم کس شو، چې درې دورې په واک کې پاتې کیږي.

وړاندې تر دې جواهر لعل نهرو هم درې دورې د هند لومړی وزیر په توګه پاتې شوی و.

ــــــــــــــــــ

ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.

ګهیځ نیوز، د اطلاع رسونې باوري سرچینه

زموږ خبري ادرسونه👇

Telegram:

https://t.me/+Vy9GsPl90MY3NjVl

twitter:

https://twitter.com/GaheezAgency

Web:

https://www.gaheez.af/

FB page:

https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/