گهیځ
کابل-ګهیځ نیوز(د جوزا ۱۲مه نېټه):
د ګهیځ نیوز د خبر له مخې په غزه کې روغتیایي چارواکو ویلي، د غزې په تړانګه کې د اسراییلو د روانو بریدونو له امله د فلسطینیانو د مړینې شمېر ۳۶ زره ۲۸۴ ته رسېدلی دی.
د خبر پر بنسټ، په تېرو ۲۴ ساعتونو کې اسراییلي ځواکونو ۶۰ فلسطینیان شهیدان او ۲۸۰ نور یې ټپیان کړي، چې په دې سره د ۲۰۲۳ کال له اکتوبر میاشتې راهیسې د فلسطینیانو او اسراییلو ترمنځ د جګړې له پیل راهیسې د ټپیانو شمېر ۸۲ زره ۵۷ تنو ته ورسېد.
په ورته وخت کې فلسطیني ټلوېزیون راپور ورکړی، چې اسراییلي پوځ د غزې په شمال کې د جبالیه ښار د کډوالو له کمپ څخه د شاوخوا درې اونیو پوځي عملیاتو وروسته وتلي دي.
په همدې ورځ د غزې د ملکي دفاع ادارې د يوې اعلاميې په خپرولو سره وويل، چې د اسرایيلي پوځ لخوا د مرکزي بازار په ګډون د کډوالو په کمپ کې زياتره سيمه ييز بنسټونه په بشپړه توګه ويجاړ شوي دي.
ژغورونکو ډلو له هغه ځایه چې اسراییلي پوځ وتلی، په سیمه کې د ښځو او ماشومانو په ګډون زیات شمېر جسدونه موندلي، په داسې حال کې چې د ورک شویو کسانو د لټون او ژغورنې کار په سیمه کې اوس هم دوام لري
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/