گهیځ
د کابل څلورمې حوزې اړوند تایمني سیمه کې بمي چاودنه رامنځ ته شوې.
ګهیځ: نن شنبه (د لیندۍ ۱۳مه) د ماسپښین څه د پاسه ۱۲ بجې د کابل په څلورمه حوزه کې سړک د غاړې بم چاودنه کړې.
د اسلامي امارت مرستیال ویاند احمد الله وثیق وايي، چې په یاده پېښه هیڅ ډول مالي او ځاني زیان نه لري.
ځايي شاهدانو ویلي، چې دغه چاودنه پر یو لنډکلوزر موټر شوې.
د پنجشیر د امنیت آمر عبدالحمید خراساني مني، په دغه برید کې د پنجشیر د والي مولوي قدرت الله موټر په نښه شوی. خراساني ډاډ ورکوي، چې والی ته کوم زیان نه دی اوښتی.
د دغې چاودنې مسوولیت تر اوسه کومې ډلې په غاړه نه دی اخستی.
