گهیځ
ګهیځ نیوز: نن چهارشنبه (د زمري/اسد ۱۹مه او د اګسټ میاشتې ۱۰مه نېټه ده) د هر ټن صادرېدونکي شوکاڼي تعرفه له پنځه سلنه ۲۵ سلنې ته لوړه شوه.
د ماليې وزارت د ګمرکونو لوی رياست په یوه خپره کړې خبرپاڼه کې ويلي چې بهر ته د صادرېدونکو غير پروسس شويو شوکاڼو د هر ټن ګمرکي تعرفه چې پخوا يوازې پنځه سلنه وه، تر دې وروسته ۲۵ سلنې ته لوړه شوې ده.
د دې پرېکړې پر بنسټ د پروسس شويو يا پوډر شويو شوکاڼو د هر ټن ګمرکي تعرفه لس سلنه ټاکل شوې ده.
د ماليې وزارت د ګمرکونو لوی رياست د تعرفې کمېټې د پرېکړې له مخې د سرب نيمه قيمتې ډبرو ګمرکي تعرفه هم له دوه نيم سلنې شل سلنې ته لوړه شوې ده.
سرچينه وايي چې دا پرېکړه د روان کال د وږي له شپاړسمې نېټې وروسته د پلي کېدو وړ ده.