گهیځ
کابل-ګهیځ نیوز( د جوزا ۳مه نېټه):
د ګهیځ نیوز د خبر له مخې ټاکل شوې چې د ایران د ولسمشر ابراهیم رییسي جنازه نن د ورځې ناوخته په مشهد کې د شیعه مذهبو د اتم امام په زیارت کې خاورو ته وسپارل شي.
د ایراني رسنیو د خبر له مخې د رییسي او هغه سره د الوتکې د سقوط په پېښه کې د نورو مړو شویو ایراني چارواکو د جنازې لمونځ تېره ورځ تهران کې د سیمې د ګڼو هېوادونو د چاروکو په حضور کې ادا شو.
بل لور ترکي رسنیو راپور ورکړی، چې نن پنجنشنبه به د ترکیې ولسمشر رجب طیب اردغان د رییسي د خاورو سپارلو په مراسمو کې د ګډون په موخه ایران ته سفر وکړي.
د رویټرز خبري اژانس د راپور له مخې تېره ورځ د قطر امیر شیخ تمیم بن حمد الثاني او د سعودي عربستان، متحده عربي اماراتو او کوېټ د بهرنیو چارو وزیران هم تهران ته تللي دي.
د ایران ولسمشر، د بهرنیو چارو وزیر او شپږ نور چارواکي د تېرې یکشنبې په ورځ د ایران په ختیځ اذربایجان ولایت کې د چورلکې د نسکورېدو په پېښه کې خپل ژوند له لاسه ورکړ.
ــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/