گهیځ
ګهیځ نیوز: نن یکشنبه (د چنګاښ یا سرطان ۱۲مه او د جولای میاشتې درېیمه نېټه ده) امریکا او افغان لورو د افغانستان بانک د پشتوانې پر ازادولو خبرې کړې دي.
د امریکا متحده ایالتونو د بهرنیو چارو وزارت په خپره کړې خبرپاڼه کې ویلي، چې افغان او امریکايي لوري په دوحه کې پر هغه لارو چارو خبرې کړې دي چې له مخې به یې د افغانستان د کنګل شوې پانګې یوه برخه یا ۳،۵ میلیارده ډالر د افغانستان مرکزي بانک ته لېږدول کېږي.
امریکا وایي چې په دې سره به د مرکزي بانک باور بېرته تر لاسه شي او نړیوالو راکړو ورکړو ته به لار هواره کړل شي.
امریکا همدا راز وایي په دې لیدنه کې د نجونو پر زده کړو او کار هم له افغان لوري سره خبرې شوې دي او ټينګار شوی دی چې امریکا د افغانانو له هغو غوښتنو ملاتړ کوي چې له مخې یې باید نجونې زده کړو او دندو ته ستنې شي.
