گهیځ
کابل-ګهیځ نیوز( د دلو/ سلواغه ۲۳ مه نېټه):
د ګهیځ نیوز د خبر له مخې د افغانستان بانک او د مس عېنک پروژې د استخراج او پروسېس شرکت د مسوولینو ترمنځ ناسته کې د افغانستان او چین ترمنځ د مالي او بانکي معاملاتو په برخه کې د آسانتیاوو په ډېرېدو خبرې شوي.
د افغانستان بانک سرپرست دغه ناسته کې ویلي، د افغانستان بانک د هېواد مرکزي بانک په توګه ژمن دی، چې د خپلو عمده موخو او دندو په رڼا کې د ملي پروژو په پلي کولو کې اغېزمن رول ولوبوي او د بانکي خدمتونو او بانکي معاملاتو په تړاو د آسانتیاوو برابرولو په برخه کې همکاري وکړي.
هغه زیاته کړې، چې مس عېنک پروژه د هېواد له لویو پروژو څخه ده او د دې پروژې د تطبیق په برخه کې به هر ډول بانکي ستونزو ته پر وخت رسېدنه وکړي.
همدا رنګه، د مسِ عینک پروژې د استخراج او پروسېس شرکت مسوول “لین بین تو” ویلي، چې په نږدې راتلونکي کې به د مس عېنک پروژې عملي چارې پیل شي.
د ده په خبره شرکت يې ژمن دی، چې د دې پروژې چارې له ځنډ او خنډه پرته په پوره ژمنتیا سره پرمخ یوسي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/