گهیځ
کابل-ګهیځ نیوز(د سلواغې / دلو ۱۸ مه نېټه)
د ګهیځ نیوز د خبر له مخې د ننګرهار په لرې پرتې ولسوالۍ حصارک کې د ۳۵ میلیونه افغانیو په لګښت د وچ خوړ بند جوړولو چارې پیل شوې.
دغه بند ۶۸ متره اوږدوالی، ۹ متره پراخوالی او ۱۰ متره لوړوالی لري، چې د ۷۸ زره ۳۳۲ متره مکعب اوبو د ذخیره کولو ظرفیت به ولري.
د یاد بند د بنسټ ډبره د ننګرهار مرستیال والي مولوي عزیزالله مصطفی کېښوده.
نوموړي وویل، د دغه بند د جوړولو چارې به د UNDP ادارې په مالي ملاتړ او د ارمان شرق ساختماني شرکت له لوري په یو کال کې بشپړې شي.
د مسوولینو په وینا دغه بند به دوه دروازې ولري، چې د موسمي سېلابونو پرمهال به د رسوباتو تصفیه او د اوبو تنظیم کې مهم رول ولوبوي.
د پرانیستې مراسمو ته د وینا پر مهال مرستیال والي له ساختماني شرکت څخه وغوښتل، چې د بند جوړولو چارې د ټاکل شوې مودې دننه او د انجینري معیارونو مطابق بشپړې کړي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/