گهیځ
ګهیځ: نن شنبه (د مرغومي ۱۸مه) د اسلامي امارت ویاند انعام الله سمګاني وايي، هغه کسان چې مخالف باورونه لري او پر نظام نیوکې کوي، خو په افغانستان او د خپلو خلکو په منځ کې دي، د درناوي وړ دي.
سمګاني وايي حتمي نه ده چې، د دوی په لیکو کې شامل ټول کسان دې د دوی همفکر وي او هغه چې له دوی سره فکري ټکر لري هغه دې په پردوی پورې تړاو ولري.
هغه ټينګار کوي چې، نیوکه کوونکو ته پکار ده چې په هېواد کې او د دوی تر منځ اوسي، زیاتوي چې د نظر اختلاف په خپل ځای د درناوي وړ دی.
