گهیځ
کابل-ګهیځ نیوز(د سلواغې / دلو ۷ مه نېټه)
د ګهیځ نیوز د خبر له مخې د سره صلیب نړیوال فډراسیون د آسیایي برخې مشر الکسانډر متیو د افغانستان بشري وضعیت کړکېچن بللی.
نوموړي ویلي، چې په دغه هېواد کې ډېری سیمې لا هم په بېړني حالت کې دي.
الکسانډر متیو افغانستان ته د خپل سفر په اړه په یوه ویډیویي پیغام کې څرګنده کړې، چې دغه هېواد له نړیوالې ټولنې جلاوالی نشي زغملی.
هغه د افغان ښځو او ماشومانو پر وضعیت ژوره اندېښنه څرګنده کړې او ویلي یې دي، چې ډېری خلک د ژمي له یخنۍ سره د مبارزې لپاره دوا، خوراکي توکو او کمپلو ته اړتیا لري.
د نوموړي په وینا، بېړنۍ مرستې د دې اړتیاوو د پوره کولو لپاره کافي نه دي او د دې لپاره د نړیوالو مرستو او توجه زیاتېدل اړین دي.
هغه د نړیوالو مرستندویه بنسټونو څخه غوښتنه کړې، چې د افغانانو ژوند ښه والي لپاره په اغېزمنه توګه لاس په کار شي.
ـــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/