گهیځ
د امریکا پخواني ولسمشر ډونالډ ټرمپ یو ځل بیا په خپلو نیوکو کې جو بايډن په نښه کړی دی.
ګهیځ: ټرمپ د افغانستان په مسئله کې پر جوبایډن توندې نیوکې کړې دي. هغه له فاکس نیوز سره په تازه مرکه کې ویلي چې د بایډن د خپلسرۍ او ناکام پلان له امله امریکا په نړۍ کې خپل باور بایللی دی او ټول نړیوال سیاستوال امریکایانو ته د احمقانو په سترګه ګوري.
ټرمپ وایي د بایډن مدیریت د امریکا په ټولو برخو کې ناکام او د امریکا د شرمېدو سبب شوی دی.
نوموړی وایي په امریکا کې نه د کرونا د بحران مخنیوی وشو، نه واکسین پر وخت ووېشل شول، نه اقتصادي هڅې پياوړې وې او نه هم امریکا د تېرو کلونو لاس ته راغلی باور وساتلی شوی.
دغه راز ټرمپ وایي که دا ځل د ټاکنو میدان ته راوګرځي نو له بایډن ټاکنې ګټلی شي.