گهیځ
کابل-ګهیځ نیوز( د حمل / وري ۱۲مه نېټه):
د ګهیځ نیوز د خبر له دغه ولایت کې د کانال رییس ویلي، د کانال په ۴ ګونو فارمونو کې پر ۲۲ زره ۲۹۲ جريبه ځمکه باندې سږ کال غنم کرل شوي.
د نوموړي په خبره د کانال ریاست پر ځمکو کرل کېدونکي غنم به راتلونکو دریو کالو پورې ټول ننګرهار د غنمو د اړتیا په برخه کې خودکفاء کړي.
کانال ریاست د دې ترڅنګ د کرنې میکانیزه کولو لپاره په خپلو امکاناتو او همدارنګه د اجاره لرونکو او کرنیزو شرکتونو سره په همکارۍ نږدې ۸ زره جریبه ځمکې باندې د غنمو اصلاح شوي تخمونه کښت کړي، چې د اټکل له مخې به ترې له اووه نیمو څخه تر اته زره ټنو پورې غنم ترلاسه شي.
د کانال پر ځمکو د غنمو کروندګر هم د اصلاح شوي تخمونو له امله خپلو حاصلاتو ته هیله مند دي.
جلال آباد ښار کې د غله جاتو پلورونکي هم د غنمو د بازار ښۀ کېدو له امله خوښ دي.
ننګرهار کانال ریاست ۱۱ زره ۳۰۰ هکتاره ځمکه لري، چې د مسوولینو په وینا ۹۰ سلنه ځمکه یې د کر او پاتې لس سلنه یې د صنعتي چارو لپاره عملاً برابره کړې ده.
د ننګرهار کانال ریاست ځمکو باندې د غنمو ترڅنګ زیتون، ستروس، شولې، ګني، جوار، خټکي، هندواڼې، حبوبات او نور صنعتي نباتات کرل کیږي.
ــــــــــــــــــــ
ګهیځ نیوز تاسې ته د هېواد له کونج – کونج او د نړۍ له بېلابېلو برخو ورځني، مهم او تازه خبرونه، راپورونه، مرکې او تبصرې د دقت په پام کې نیولو سره په چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/