گهیځ
کابل-ګهیځ نیوز( د قوس/ لیندۍ ۱۹ نېټه):
په داسې حال کې چې د غزې په څو استقامتونو کې د حــ.ـماس جنګیالیو له لوري اسراییلي اشغالګر له سخت مقاومت او نښتو سره مخ دي، د اسرایيلو د پوځ مشر جنرال هېرزي حلوي ویلي، غزه کې د لا درنو ګوزارونو لپاره د پوځي عملیاتو ډېرولو ته اړتیا ده.
د عربي رسنیو د راپورونو پر اساس اسرایيلي ځواکونه اوس د غزې سویلي ښار خان یونس کې د حـ.ـماس جنګیالیو سره لاس په لاس جګړه کې ښکېل دي.
رسنۍ زیاتوي، چې په خان یونس سیمه کې جګړه کور په کور روانه ده.
د حـ.ـماس جنګیالیو مطبوعاتي مسوولین بیا د اسراییلي ځواکونو پر جنګي جنایتونو نیوکه کوي او له نړیوالو بشرپالو څخه غواړي، چې دغه اشغالګر ځواکونه پر بې دفاع ولسي فلسطینیانو له بریدونو راوګرځوي.
د نړیوالو رسنیو د خبر له مخې غزه کې د اسراییلي اشغالګرو د بریدونو له امله تر دا مهاله نږدې ۱۸ زره بې دفاع ولسي وګړي وژل شوي او له ۵۰ زرو څخه ډېر نور ژوبل دي.
ملګرو ملتونو هم خبرداری ورکړی، چې د اسراییلي کلابندۍ له امله د غزې نیمايي وګړي له سختې لوږې سره مخ دي.
ــــــــــــــــــــ
ګهیځ نیوز تاسې ته د هېواد لۀ کونج – کونج او د نړۍ لۀ بېلابېلو برخو ورځني، مهم او تازه خبرونه، راپورونه، مرکې او تبصرې د دقت پۀ پام کې نیولو سره پۀ چټک ډول وړاندې کوي.
ګهیځ نیوز، د اطلاع رسونې باوري سرچینه
زموږ خبري ادرسونه👇
Telegram:
https://t.me/+Vy9GsPl90MY3NjVl
twitter:
https://twitter.com/GaheezAgency
Web:
FB page:
https://www.facebook.com/Gaheez-News-گهیځ-نیوز-۱۰۵۷۷۲۲۹۹۲۸۴۹۰۳/