گهیځ
ګهیځ نیوز: نن دو شنبه (د وری ۸مه او د مارچ ۲۸مه نېټه ده) د افغانستان خبریالانو مرکز وایی، ا.ا ځواکونو نن سهار کندهار کې د (ملت ږغ) راډیو تړلې او درې کارکوونکی یې نیولی دی.
مرکز وایی چې، ځواکونو د خبری څانګې مشر فرید علیزی، پروډیوسر رحیم الله نوری او د تخنیکی څانګې کارکوونکی محمود مهربان له ځان سره وړی دی.
د افغانستان نوی حکومت اسلامی امارت په دغه هېواد کې د بی بی سی او امریکا غږ پر ټلوېزیونی خپرونو بندیز لګولی دی.
بی بی سی دا خبره تأیید کړې او ویلی دی چې دوی ته د اسلامی امارت د یادې پرېکړې د لامل په اړه جزئیات نه دی ورکړل شوی.
د بی بی سی یو شمېر پښتو، فارسی او ازبکی خپرونې د افغانستان پر ځینو سیمه ییزو ټلوېزیونی شبکو خپرېدې.
د امریکا غږ ادارې هم، چې په خپرونو یې بندیز لګېدلی دی، دا پرېکړه یې غندلې ده او له افغان حکومت څخه یې غوښتی چې په دې اړه خپلې پرېکړې ته له سره کتنه وکړی.
حکومتی سرچینو تر اوسه د رسنیو د بندېدو او په کندهار کې د خبریالانو د نیولو په تړاو څه نه دی ویلی.
