گهیځ
په ماليزيا کې د افغانستان سفیر محب الرحمن سپین غر د افغانستان لپاره د مالیزیا د بهرنیو چارو وزارت له ځانګړي استازي احمد اعظم سره کتلي دي.
د باختر دولتي آژانس د خبر له مخې؛ په دې کتنه کې، چې هلته په مالیزیا کې په افغان سفارت کې شوې، احمد اعظم ترکیې او قطر ته د خپل سفر پایلې له افغان سفیر محب الرحمن شریکې کړې او د ژمي تر رارسېدو مخکې یې د افغانستان خلکو ته د درملو، طبي وسايلو، خوراکي او د اړتیا وړ نورو توکو په ګډون یې د بشري مرستې پر مالونو بار د ېوې الوتکې د استولو ژمنه وکړه.
هغه خبرداری ورکړ، چې د مالیزیا د سولې نړېوال بنسټ په پام کې لري چې ډېر ژر په کابل کې یو لوی مرستندوی مرکز پرانیزي.
تمه کېږي چې د مالیزیا د بهرنیو چارو وزارت ځانګړی سلاکار به له سیمه ییزو سفرونو وروسته ډېر ژر کابل ته هم سفر وکړي.